Раул Зибечи
Раул Зибечи (роден на 25 јануари 1952 година, во Монтевидео, Уругвај) е радио и печатен новинар, писател, истражувач, милитант и политички теоретичар. Помеѓу 1969-1973 година, како студент, тој беше милитант на Frente Estudiantil Revolucionario (FER). Во 80-тите почнува да објавува во леви весници и списанија. Тој се фокусира на социјалните движења во Латинска Америка и нивните односи. Како популарен едукатор одржува работилници со општествени групи, особено во урбаните периферии и со селаните. Има објавено 18 книги, речиси сите за конкретни искуства од општествените движења. Три од неговите книги се преведени на англиски: Растурање на моќта, Територии во отпор и Новиот Бразил (АК Прес). Редовно објавува во Ла Џорнада (Мексико), Гара (Шпанија) и други алтернативни медиуми.