Robin Hahnel
Robin Hahnel është një ekonomist radikal dhe aktivist politik. Ai është Profesor Emeritus në Universitetin Amerikan në Uashington, DC ku dha mësim në Departamentin e Ekonomisë nga viti 1976 – 2008. Aktualisht është profesor vizitor i ekonomisë në Portland State University në Portland, Oregon, ku banon me familjen e tij. Puna e tij në teorinë ekonomike është informuar nga puna e Thorstein Veblen, John Maynard Keynes, Karl Polanyi, Pierro Straffa, Joan Robinson dhe Amartya Sen ndër të tjera. Ai njihet më së shumti si bashkëkrijues, së bashku me Michael Albertin, i një alternative radikale ndaj kapitalizmit të njohur si ekonomia pjesëmarrëse, (ose shkurtimisht parecon). Puna e tij më e fundit është e përqendruar në drejtësinë ekonomike dhe demokracinë, dhe krizën globale financiare dhe ekologjike. Politikisht ai e konsideron veten një produkt krenar të së Majtës së Re dhe është simpatik ndaj socializmit libertar. Ai ka qenë aktiv në shumë lëvizje dhe organizata shoqërore gjatë dyzet viteve, duke filluar me kapitujt e Harvardit dhe MIT SDS dhe lëvizjen e zonës së Bostonit kundër luftës në Vietnam në vitet 1960.